“Тајната на здравјето за умот и телото не е во оплакувањето на минатото, грижењето за иднината, ниту пак во предвидувањето проблеми. Туку во живеењето во сегашниот миг мудро и искрено… Живејте го секој миг целосно, а иднината самата ќе се погрижи за себе. Целосно уживајте ги чудата и убавината на секој миг.“ – Парамаханса Јогананда
Јогата не е метод на лекување иако со практикување можат да се отстранат одредени болести и заболувања или да се намалат симптомите, болките. Со редовно практикување јога превенираме болести.
Кои се бенефитите од јогата за здравјето?
На физичко ниво:
- зголемена флексибилност и мобилност на телото
- подобар и поквалитетен сон
- зголемена отпорност на организмот (помалку подложно на настинки, вируси и сл.)
- ублажување или целосно отстранување на болките во `рбетот
- подобрување на метаболизмот и отстранување на опстипација
- регулирање на телесната тежина
- регулирање на крвниот притисок
- подобрување на циркулацијата
- отстранување главоболки и мигрена
„Асаните на телото му даваат совршенство, убавина во формата, благодат, сила, компактност и цврстината и сјајот на дијамант.“ Патанџали
На психо-ментално ниво:
- опушта и смирува
- се неутрализира стресот
- се подобрува концентрацијата
- се подобрува учењето и помнењето
- се развива интуитивноста
- чувство на внатрешна благосостојба
- се подобрува креативноста
- се намалува нервозата и агресивноста
„Во нас секогаш има светлина која е ослободена од болка и тага, без разлика колку ни е големо страдањето.“ Патанџали